गजल

अनिकाल को महामारी ले छोडेन ढाक्रे दाइ,
सानै उमेर देखि भारी ले छोडेन ढाक्रे दाइ !!

दिनभरी खुईय्या गर्दै हिड्दैछौ उकालीमा,
गरुङ्गो वजन दिक्दारी ले छोडेन ढाक्रे दाइ !!

सुकुम्बासी भएर जन्म लियौ यो धर्ती भित्र,
साहुको ऋृण र बारी ले छोडेन ढाक्रे दाइ !!

आफ्नै माटो मा केही बिचार मारेको छैन यहाँ,
देश भक्त हरुको लाचारी ले छोडेन ढाक्रे दाइ !!

आफ्नो देश आफै बनाउछु भन्ने ईच्छा छदैछ,
तर गरीबी को चिनारी ले छोडेन ढाक्रे दाइ !!

Nayan Biwash Subba

नयन बिवश सुब्बा
म्याङ्लुङ ६, तेह्रथुम हाल साउदी अरेबिया ।