बाँच्नु छ मैले यसरी देखाउन दुनियाँलाई !
हिलोमा कमल झैगरी देखाउन दुनियाँलाई!!
आलु खाएर पेंडाका धाक नलगाउ यार तिमी!
अँह भेटिन्न स्वर्ग नमरी देखाउन दुनियाँलाई!!
उसले देश छोड्नु को पनी कारण हुन सक्छ !
त्यसै कहाँ गर्थ्यो चाकरी देखाउन दुनियाँलाई!!
आउनेछु प्रिया केही खुसीहरू बोकेर साथमा !
नझार ती आँसु धर धरी देखाउन दुनियाँलाई !!
ति अबलाको चित्कार आखिर सुनेन कसैले !
रोइछिन ब्यर्थै ति बिचरी देखाउन दुनियाँलाई!!
सिद्धान्त आखिर एउटै छ सबै पार्टी र नेताको!
कुरा गर्छन् तर थरीथरी देखाउन दुनियाँलाई !!
भ्रष्टाचार हटाउन लाई स्वाभिमान बचाउन लाई!
पक्कै अब लड्नेछ 'हरी' देखाउन दुनियाँलाई!!
हरीहर कँडेल
No comments:
Post a Comment